Uyu munsi ku wa 7 Ukwakira 2023, abatuye mu Karere ka Ngoma bataramiwe n’abahanzi banyuranye barimo Bruce Melody, Bwiza, Riderman, Chris Eazy, Niyo Bosco, Alyn Sano, Afrique ndetse na Bushali binyuze muri gahunda yiswe “Iwacu Muzika Festival 2023”.
Ni ibitaramo bizenguruka Intara zose zigize Igihugu ndetse n’Umujyi wa Kigali, muri uku kwezi k’Ukwakira bikaba byabereye mu Karere ka Ngoma mu Ntara y’Iburasirazuba, hakaba hagiye gukurikiraho Akarere ka Rubavu mu Burengerazuba ku itariki ya 14 Ukwakira 2023, bikazasozwa n’igitaramo cyo mu Mujyi wa Kigali, kizaba ku itariki ya 25 Ugushyingo 2023. Byatangiriye i Musanze mu Majyaruguru ku ya 23 Nzeri bikomereza i Huye mu Majyepfo ku ya 30 Nzeri 2023.
Ibi bitaramo byongeye kugaruka nyuma y’imyaka igera kuri itatu bitaba imbonankubone kubera icyorezo cya Covid-19. Bitegirwa na Kompanyi ya East African Promoters (EAP)
